អង្គការយុវតារាកម្ពុជា

អង្គការយុវតារាកម្ពុជាគឺជាអង្គការជាតិមិនរកប្រាក់ចំណេញ បានចុះបញ្ជីនៅក្រសួងមហាផ្ទៃក្នុងឆ្នាំ២០០៥ ដែលធ្វើការដើម្បីផ្តល់អំណាចដល់យុវជនកម្ពុជាតាមរយៈសេវាកម្មស្ម័គ្រចិត្ត។ កម្មវិធីរបស់យុវតារាផ្តោតសំខាន់លើការដាក់បញ្ជូននិស្សិតដែលបានបញ្ចប់ការសិក្សានៅសាកលវិទ្យាល័យឲ្យធ្វើជាអ្នកស្ម័គ្រចិត្តនៅក្នុងសហគមន៍ជនបទរយៈពេលពី ៦ ដល់ ១២ ខែ ក្នុងខេត្តចំនួន៣ នៃប្រទេសកម្ពុជាដែលរួមមានខេត្ត ព្រៃវែង ក្រចេះនិង កំពង់ធំ ជាកន្លែងមួយដែលពួកគេនឹងដើរតួជា អ្នកដឹកនាំអ្នកសម្របសម្រួល ជាអ្នកបង្រៀន អ្នកប្រឹក្សាយោបល់ និងជាគំរូល្អដល់កុមារ និងយុវជន។ អ្នកស្ម័គ្រចិត្តយុវតារាជួយលើកកម្ពស់អក្ខរភាព និងធ្វើការជាមួយយុវជនដើម្បីធ្វើឲ្យប្រសើរឡើងនូវគុណភាពនៃជីវិតនៅក្នុងសហគមន៍ជនបទ។ ទស្សនៈវិស័យរបស់អង្គការយុវតារាកម្ពុជាគឺថា យុវជនកម្ពុជាគ្រប់រូបនឹង៖ • ទទួលបានការអប់រំនិងមានសមត្ថភាពដើម្បីចូលរួមពេញលេញក្នុងការអភិវឌ្ឍន៍ ប្រទេសជាតិ។ • មាន គុណតម្លៃ ជំនាញ និងបំណងប្រាថ្នាដើម្បីក្លាយជាអ្នកដឹកនាំដែលធ្វើកិច្ចការដើម្បីប្រយោជន៍រួម។ • ចូលរួមលុបបំបាត់ អនក្ខរភាព និង ភាពក្រីក្រនៅក្នុងសហគមន៍ជនបទ។
Read Less